6.6.11

Նվարդի մասին


Արցախցի շնորհաշատ լրագրողուհի Նվարդ Օհանջանյանը (Օվյան) ծնվել է նշանավոր գրող Վազգեն Օվյանի ընտանիքում։ Երեք զավակներից կրտսերն էր։

Շա՜տ երազանքներ ու ծրագրեր ուներ Նվարդը... Սակայն ճակատագիրը դաժան վարվեց նրա հետ և անսպասելիորեն ընդհատեց պայծառ ու կենսասեր աղջկա կյանքը։ 2007 թվականի օգոստոսի 27-ին Նվարդն ընդմիշտ հեռացավ իր հարազատներից, ընկեր-բարեկամներից ու աշխարհից։

Նույն թվականի վերջերին նրա մահից հետո հարազատների ջանքերով լույս տեսավ անդրանիկ գիրքը՝ ԱՄԱՆՈՐԻ ՆՎԵՐՆԵՐ վերնագրով։ Գրքում տեղ էին գտել նրա գեղարվեստական ստեղծագործությունները, որոնք գրված են մեղմ հումորով, հաճախ էլ թախծոտ երանգներով և իր հայրենակիցների ու հայրենի եզերքի տխուր ներկայի հանդեպ խորին ցավով, գալիքի հանդեպ՝ պայծառ լավատեսությամբ ու անսահման հավատով։

Ավելի մանրամասն կարդացեք այստեղ՝
http://nohanjanyan.blogspot.com/p/blog-page.html     եւ
http://nohanjanyan.blogspot.com/p/blog-page_06.html